გიორგი ქოჩორაშვილი ლა ლიგა 2-ის ტურის სიმბოლურ გუნდში მოხვდა
გიორგი ქოჩორაშვილის მიერ 2024/25 წლების სეზონის კარგ სტარტზე უკვე მოგახსენეთ და გამცნეთ, რომ მის მიერ "ალმერიას" კარში გატანილი გოლი ლა ლიგა 2-მა სათამაშო კვირის საუკეთესო ხუთეულში შეიყვანა.
ამჯერად, ესპანეთის ჩემპიონატის რანგით მეორე ლიგის ოფიციალურმა გვერდმა ქართველი ფეხბურთელი ამავე ტურის სიმბოლურ გუნდშიც მოახვედრა.
სიმბოლურ გუნდში "ლევანტეს" შემადგენლობიდან, 25 წლის ქართველი საყრდენი ერთადერთი მოთამაშეა.
✍️ ¡Este es el 𝗫𝗜 𝗜𝗗𝗘𝗔𝗟 de la Jornada 7!
— LALIGA HYPERMOTION (@LaLiga2) October 2, 2024
🌟 ¡Demasiada calidad en este 𝗘𝗤𝗨𝗜𝗣𝗔𝗭𝗢!#LALIGAHYPERMOTION pic.twitter.com/DoGTvPwqLC
2024/25 წლების ლა ლიგა 2-ის სეზონში, ვალენსიელთა ქართველ საყრდენს უკვე 2 გოლი და 2 საგოლე პასი აქვს, რაც შეეხება გუნდს, 4 გამარჯვებითა და 2 ფრით "ლევანტეს" 14 ქულა აქვს დაგროვებული და სატურნირო ცხრილში ლიდერობს. ასევე, ქართველი ფეხბურთელის გუნდმა გათამაშებაში ამ დრომდე ყველაზე მეტი, 14 გოლის გატანა მოახერხა.
სხვა სტატიები
