გიორგი მიქაუტაძის შეფასება ყარაბაღის წინააღმდეგ

ევროპა ლიგის მე-5 ტურის შეხვედრაში "ლიონმა" "ყარაბაღი" 1:4 დაამარცხა. გიორგი მიქაუტაძემ შეუცვლელად ითამაშა და დუბლიც გაიფორმა. ჟორჟმა პირველი გოლი მე-15 წუთზე გაიტანა და თავის გუნდს პირველი ტაიმი მოაგებინა. მეორე ტაიმის 63-ე წუთზე კორენტენ ტოლისომ ანგარიშის სხვაობა ორამდე გაზარდა, მალიკ ფოფანამ მესამე გოლი 68-ე წუთზე გაიტანა, ხოლო ქართველმა ფეხბურთელმა დუბლი მე-80 წუთზე შეასრულა. მატჩის მიწურულს, 88-ე წუთზე ჟუნინიომ ერთი გოლის გაქვითვა შეძლო და საბოლოოდ შეხვედრა 1:4 დამთავრდა.

Sofascore-მა გიორგი მიქაუტაძეს ყველაზე მაღალი შეფასება 8.8 დაუწერა და მატჩის საუკეთესო ფეხბურთელადაც დაასახელა. ქართველმა ფორვარდმა როგორც უკვე აღვნიშნეთ დუბლი შეასრულა, ჟორჟმა კარში სულ ორჯერ დაარტყა და ორივე წარმატებული გამოდგა, ერთხელ დარტყმული დაუბლოკეს. მას 5-ჯერ ჰქონდა დრიბლინგის მცდელობა და 3 წარმატებული იყო, გიორგი ბურთს 33-ჯერ შეეხო, 19 გადაცემიდან 15 ზუსტად შეასრულა (79%), 14 ორთაბრძოლაში მიიღო მონაწილეობა და 6-ში გამარჯვებული დარჩა.

Whoscored-მა ქართველ ფეხბურთელს 9.2 შეფასება დაუწერა.

"ლიონს" ევროპა ლიგის სატურნირო ცხრილში 10 ქულა აქვს (3 მოგება, 1 ფრე, 1 მარცხი) და მე-6 პოზიციაზეა.

გიორგი მიქაუტაძემ დღევანდელ შეხვედრაში დუბლი გაიფორმა და მიმდინარე ევროპა ლიგაზე მისი მონაგარი სწორედ ორი გოლია.