გიორგი მიქაუტაძე ლიონის გულშემატკივრებმა თვის საუკეთესო ფეხბურთელად დაასახელეს

საქართველოს ნაკრებისა და ლიონის "ოლიმპიკის" ცენტრალური ფორვარდი, გიორგი მიქაუტაძე გუნდის თვის საუკეთესო ფეხბურთელი გახდა.

24 წლის ქართველი ფეხბურთელი გუნდის გულშემატკივრებმა გამოარჩიეს და გამოკითხვაში საწყის პოზიციაზე გაიყვანეს. საუკეთესოობისთვის ბრძოლაში 4 ფეხბურთელი, გიორგი მიქაუტაძე, რაიან შერკი, ლუკას პერი და მალიკ ფოფანა გახლდნენ ჩართული. ქართველმა ფორვარდმა გამოკითხულთა ხმების 59% მოაგროვა, მეორე პოზიციაზე კი რაიან შერკი 22%-ით გავიდა.

2024 წლის ევროპის ჩემპიონატზე თანაბომბარდირის სტატუსის მოპოვების შემდეგ, გიორგი მიქაუტაძე "ლიონში" დაბრუნდა და გუნდის გულშემატკივრების აღიარება ამ სეზონში უკვე მეორედ მოიპოვა.

მარტის თვეში გიორგი მიქაუტაძემ "ლიონის" შემადგენლობაში 6 მატჩში მიიღო მონაწილეობა, 3 გოლის გატანა და 4 საგოლე პასის გაკეთება მოახერხა, საქართველოს ნაკრებში კი სომხეთთან ორივე შეხვედრაში დუბლის გაფორმება შეძლო. გასული 5 შეხვედრაა ქართველი ფეხბურთელი გოლის გატანას ყველა მატჩში ახერხებს.