გიორგი მიქაუტაძე ისევ სერია A-ს კლუბს დაუკავშირეს
8 თვის წინ
ქართული სპორტი
1 წთ
იტალიელი ჟურნალისტი, ნიკოლო სკირა სოციალურ ქსელში საქართველოს ნაკრების თავდამსხმელის, გიორგი მიქაუტაძის სერია A-ში პოტენციური ტრანსფერის შესახებ საუბრობს.
კონკრეტულად, გავრცელებული ინფორმაციით, 22 წლის თავდამსხმელის მიმართ ინტერესს "ბოლონია" იჩენს.
"მარკო არნაუტოვიჩის შემცვლელად "ბოლონიას" მოკლე სიაში უგო კუიპერსი ("გენტი") და გიორგი მიქაუტაძე ("მეცი") არიან", - წერს ნიკოლო სკირა.
"ბოლონიამ" წინა სეზონში სერია A მეცხრე პოზიციაზე დაასრულა, 2023/24 წლების სეზონის გათამაშებას კი "მილანთან" საშინაო არენაზე ჩასატარებელი მატჩით დაიწყებს, რომელიც 21 აგვისტოს გაიმართება.
გიორგი მიქაუტაძემ 2023/24 წლების სეზონი უკვე დაიწყო და საფრანგეთის ლიგა 1-ის პირველ ტურში, "რენთან" - 1:5 წაგებულ მატჩში საგოლე პასის გაკეთება მოახერხა.