გიორგი გოჩოლეიშვილი: "პარკენზე დებიუტი ფანტასტიკურია, ეტაპობრივად ჩემს თამაშს გავაუმჯობესებ"

საქართველოს ნაკრების ფეხბურთელმა, გიორგი გოჩოლეიშვილმა, დანიური ფეხბურთის გრანდ, "კოპენჰაგენში" თავისი დებიუტი შეაფასა.

23 წლის ქართველი ფეხბურთელი, რომელსაც დაცვასა და შეტევაში ორივე ფლანგზე წარმატებულად თამაში შეუძლია, დონეცკის "შახტარმა" ერთწლიანი იჯარის წესით დანიის ერთ-ერთ ყველაზე ტიტულოვან გუნდში გაანათხოვრა. მისი დებიუტი უეფას კონფერენს ლიგის მესამე საკვალიფიკაციო ეტაპზე ჩეხურ "ოსტრავასთან" მოგებულ (1:0) საშინაო შეხვედრაში შედგა, რომელშიც მე-10 წუთზე ჩაერთო. საპასუხო მატჩი 15 აგვისტოს შედგება და თბილისის დროით 21:00 საათზე დაიწყება. იქამდე, 11 აგვისტოს, გუნდი დანიის სუპერ ლიგაში მეოთხე ტურის მატჩს, "სონდერსკიესთან" სტუმრად გამართავს. ჩემპიონატში 7 ქულით დედაქალაქელები თანალიდერის პოზიციაში არიან.