ფრანგული მედია: "ზურიკო დავითაშვილი კარიერას სენტ-ეტიენში გააგრძელებს"

L’Équipe-ის ინფორმაციით, საქართველოს ნაკრებისა და "ბორდოს" შემტევი ნახევარმცველი, ზურიკო დავითაშვილი კარიერას საფრანგეთის ყველა დროის ერთ-ერთ ყველაზე ტიტულოვან გუნდში, "სენტ-ეტიენში" გააგრძელებს.

23 წლის ქართველი ფეხბურთელის ტრანსფერის სანაცვლოდ, ქვეყნის 10-გზის ჩემპიონი 6 მილიონ ევროს იხდის, რაშიც ბონუსებიცაა გათვალისწინებული.

აღნიშნულია ის გარემოებაც, რომ ქართველი ფეხბურთელი "სენტ-ეტიენში" უახლოეს პერიოდში სამედიცინო შემოწმებას გაივლის და ახალ გუნდთან 4-წლიან კონტრაქტს გააფორმებს.

ზურიკო დავითაშვილი 2022 წლის ზაფხულში, "დინამო ბათუმიდან" "ბორდოს" შემადგენლობაში იჯარის წესით გადაბარგდა, ერთი წლის შემდეგ კი, "ჟირონდინების" სრულფასოვანი წევრი გახდა. ამ პერიოდში, მან "ბორდოს" შემდგენლობაში 14 გოლის გატანა და 12 საგოლე პასის გაკეთება მოახერხა.