ევროპის ერთ-ერთი საუკეთესო მსაჯი საქართველოში? - თურქი არბიტრი სამსაჯო კომიტეტს უხელმძღვანელებს

Geo Team-ის მიერ გავრცელებული ექსკლუზიური ინფორმაციის თანახმად, საქართველოს ფეხბურთის ფედერაციაში სამსაჯო კომიტეტს მსოფლიოში ერთ-ერთი ყველაზე გამოცდილი არბიტრი, თურქი ჩუნეით ჩაქირი უხელმძღვანელებს.

წყაროს ცნობით, საქართველოს ფეხბურთის ფედერაცია 46 წლის მსაჯს უახლოეს პერიოდში წარადგენს.

კარიერის განმავლობაში, თურქ მსაჯს საკლუბო და სანაკრებო დონეზე არაერთი პრესტიჟული ტურნირის შეხვედრაზე უმუშავია, მათ შორის 2014/15 წლების სეზონში, უეფას ჩემპიონთა ლიგის ფინალურ მატჩზე ("ბარსელონა" - "იუვენტუსი" - 3:1).