დევისის თასზე საქართველოს ნაკრების მომავალი მეტოქე გაირკვა

საქართველოს ჩოგბურთელთა ნაკრები დევისის თასის მსოფლიო ჯგუფი I-ის პლეი-ოფში მე-13 ნომრად განთესილ პოლონეთს დაუპირისპირდება.

მატჩები საქართველოში 31 იანვარსა და 1 თებერვალს ჩატარდება ან 1-2 თებერვალს. გადაწყვეტილებას ამის შესახებ საქართველოს ჩოგბურთის ფედერაცია მიიღებს.

საქართველოს ნაკრებმა, რომელსაც ალექსანდრე ბაკში, საბა ფურცელაძე, ზურა ტყემალაძე და ალექსანდრე მეტრეველი წარმოადგენდნენ, მსოფლიო ჯგუფი II-ის დაპირისპირებაში მექსიკა 3:2 დაამარცხა.

დევისის თასის რეიტინგში საქართველო 61-ე, პოლონეთი კი 41-ე პოზიციაზეა.