დევისის თასზე საქართველოს ნაკრების მეტოქე ცნობილია

ჩოგბურთის საერთაშორისო ფედერაციამ 2025 წლის დევისის თასის მსოფლიო ჯგუფი II-ის კენჭისყრის შედეგები გამოაქვეყნა. საქართველოს ვაჟ ჩოგბურთელთა ნაკრები ახალ ზელანდიის ნაკრებს დაუპირისპირდება, შეხვედრა 12-13 ან 13-14 სექტემბერს გაიმართება, ზუსტი თარიღი ტურნირის დაწყებამდე რამდენიმე დღით ადრე გახდება ცნობილი.

მსოფლიო ჯგუფი II-ში გამარჯვებული ნაკრებები პირველი ჯგუფის პლეი-ოფში ითამაშებენ. საქართველოს ნაკრებმა აღნიშნულ ეტაპზე მიმდინარე თვეს ითამაშა და პოლონეთის ნაკრებთან 4:0 დათმო. ჩვენ გუნდში იყვნენ: საბა ფურცელაძე, ალექსანდრე ბაკში და ზურაბ ტყემალაძე.

ახალი ზელანდიის ნაკრებს რაც შეეხება, მათ მსოფლიო ჯგუფი II-ის პლეიოფში იასაპარეზეს და იამაიკა 3:2 დაამარცხეს.