დავით კერესელიძე: "სახოსთან მოლაპარაკებებს ვადასტურებთ, მაგრამ გადაწყვეტილი არაფერია"

ქუთაისის "ტორპედო" საქართველოს ჩემპიონატის არსებობის ისტორიაში უდავოდ გამორჩეული ტრანსფერისთვის ემზადება. გავრცელებული ინფორმაციის მიხედვით, მათ ეროვნული ლიგის ისტორიაში ყველაზე ცნობილი ლეგიონერის, მამადო სახოს დამატება აქვთ განზრახული. აღნიშნული ტრანსფერი ჯერ ოფიციალურად დადასტურებული არ არის, მაგრამ დიდია იმის ალბათობა, რომ "პსჟ-ის", "ლივერპულის", "კრისტალ პალასის", "მონპელიეს" და საფრანგეთის ნაკრების ყოფილმა მცველმა საქართველოს ერთ-ერთ ყველაზე ტიტულოვან გუნდში ითამაშოს.

ქუთაისის "ტორპედო" საქართველოს ეროვნულ ლიგაში ჩატარებული 14 ტურის შემდეგ დაგროვებული 23 ქულით მეოთხე პოზიციას იკავებს, გუნდს 9-მატჩიანი წაუგებელი სერია აქვს და ლიდერ გორის "დილას" 7 ქულით ჩამორჩება. შემდეგ ტურში ქუთაისური გუნდი ფოთის "კოლხეთი 1913-თან" 19 მაისს გამართავს. შეხვედრა 20:00 საათზე დაიწყება.