"ჩაკვეტაძეს შესაძლებლობების სრულად წარმოსაჩენად დრო სჭირდება" - უოტფორდის მთავარი მწვრთნელი

"გიორგი ჩაკვეტაძეს ჯერ კიდევ სჭირდება დრო, რათა ხანგრძლივი სარეაბილიტაციო პროცესის შემდეგ, სათამაშო ფორმა სრულად აღიდგინოს" - აღნიშნავს უოტფორდის მთავარი მწვრთნელი.

გასულ კვირას, რექსჰემთან გამართულ მატჩში, უოტფორდის ქართველი ვარსკვლავი სათადარიგოთა სკამზე იყო და მოედანზე მეორე ტაიმში შევიდა. დაბრუნების მიუხედავად, ჩაკვეს ჯერ კიდევ არ აღუდგენია ის საუკეთესო თვისებები და ფორმა, რომლითაც გასულ სეზონში გულშემატკივრებს აღაფრთოვანებდა.

მომდევნო, პრინციპულ მატჩებში ჩაკვეტაძეზე დიდ იმედებს ამყარებენ, მაგრამ უოტფორდის მთავარი მწვრთნელი მიიჩნევს, რომ შესაძლებლობების სრულად წარმოსაჩენად, მას ჯერ კიდევ სჭირდება დრო

უოტფორდი ინგლისის ჩემპიონშიპის 22 ტურის მატჩში სტოკს დაუპირისპირდება. შეხვედრა 20 დეკემბერს, 19:00 საათზე გაიმართება.