"ჩაკვეტაძე წარმოუდგენელი ფეხბურთელია, ქართველი მაესტრო" - ინგლისელი ანალიტიკოსი

ინგლისის საფეხბურთო ლიგის ანალიტიკოსი ალი მაქსველი საქართველოს ნაკრებისა და "უოტფორდის" შემტევი ნახევარმცველის, გიორგი ჩაკვეტაძის შესახებ საუბრობს. მაქსველი 25 წლის ქართველის უნარ-ჩვევებს განიხილავს.

გიორგი ჩაკვეტაძეს ამ სეზონში ყველა ტურნირზე 21 მატჩში 1 გოლი აქვს გატანილი და 5 საგოლე პასი გაკეთებული.

ქართველი ფეხბურთელის გუნდი ინგლისის ჩემპიონშიფში 20 ჩატარებული მატჩის შემდეგ მეშვიდე ადგილზე იმყოფება და საპლეიოფო ზონას გატანილ/გაშვებული გოლების ბალანსში ჩამორჩება. "უოტფორდს" რამდენიმე მეტოქეზე შეხვედრით ნაკლები აქვს ჩატარებული. შემდეგ მატჩს ლონდონელები 21 დეკემბერს, მესამე ადგილზე მყოფ "ბარნლისთან" სტუმრად გამართავენ.