ბუდუ ზივზივაძე მეორე ბუნდესლიგის სიმბოლურ გუნდში მოხვდა

საქართველოს ნაკრების ცენტრალური ფორვარდი, ბუდუ ზივზივაძე გერმანიის მეორე ბუნდესლიგის გასული ტურის სიმბოლურ გუნდში მოხვდა.

მე-11 სათამაშო კვირაში, ჰაიდენჰაიმმა ჰანოვერთან ფრედ (2:2) ითამაშა, 32 წლის ფეხბურთელმა მატჩში გამათანაბრებელი გოლის გატანა მოახერხა და ბადენ-ვიუნტერბერგელებს ქულა მოაპოვებინა.

ქართველი ფეხბურთელი მატჩში ყველაზე მაღალი შეფასებით გამოირჩა, Sofascore-მა კი ის ტურის საუკეთესო თერთმეტეულში შეიყვანა.

ჰაიდენჰაიმი 11 ტურის შემდეგ დაგროვებული 16 ქულით სატურნირო ცხრილში მე-7 პოზიციას იკავებს და საპლეიოფო ზონას 5 ქულით ჩამორჩება. შემდეგი შეხვედრა ქართველი ფეხბურთელის გუნდმა სანაკრებო შესვენების შემდეგ, 20 ნოემბერს, დარმშტადთან სტუმრად უნდა გამართოს.

ბუდუ ზივზივაძეს ამ სეზონში ჰაიდენჰაიმის შემადგენლობაში 10 მატჩში 4 გოლი აქვს გატანილი.