აპოელის ბარიერის გავლის შემთხვევაში გორს დილას სავარაუდო მეტოქე ცნობილია

უეფას ევროპის კონფერენს ლიგის პლეი-ოფის რაუნდში მოხვედრის შემთხვევაში, გორის "დილას" მეტოქე ცნობილია

იმ შემთხვევაში თუ, 2023/24 წლების სეზონში საერთაშორისო ტურნირებზე შემორჩენილი ერთადერთი ქართული კლუბი კვიპროსული "აპოელის" ბარიერის დაძლევას მოახერხებს, შემდეგ რაუნდში ბელგიური "გენტისა" და პოლონური "პოგონის" წყვილში გამარჯვებულს დაუპირისპირდება.

პირველი მატჩი 24 აგვისტოს გაიმართება, ხოლო საპასუხო შეხვედრა 31 აგვისტოს შედგება.