ახალგაზრდული ნაკრების წევრი ისრაელის ჩემპიონატში ითამაშებს

საქართველოს ახალგაზრდული ნაკრების წევრი, ლევან ოსიყმაშვილი კარიერას "დინამო თბილისიდან" ისრაელის ჩემპიონატის წარმომადგენელ "ჰაპოელ ჰადერაში" გააგრძელებს.

22 წლის ქართველი ფეხბურთელი მშობლიური გუნდიდან იჯარის წესით ზაფხულამდე ისრაელის ჩემპიონატში მე-14 ადგილზე მყოფ გუნდში ითამაშებს.

ახალგაზრდა საყრდენი ნახევარმცველი "დინამო თბილისის" აკადემიის აღზრდილია და იჯარის წესით ქუთაისის "ტორპედოში" უთამაშია. მას "დინამოს" მთავარი გუნდის შემადგენლობაში 83 მატჩი აქვს ჩატარებული და 5 საგოლე პასი გაკეთებული. ლევან ოსიყმაშვილი საქართველოს 21-წლამდელთა ნაკრების წევრია და გუნდის შემადგენლობაში ევროპის 2025 წლის ჩემპიონატის საკვალიფიკაციო ეტაპის მატჩებში მონაწილეობდა, რომელშიც ჩვენმა გუნდმა ფინალური ტურნირის საგზური მოიპოვა.