"ადამიანმა, რომელსაც დავეხმარე ზურგში დანა ჩამარტყა" - მერაბ შარიქაძე

მსოფლიო რაგბისა და მსოფლიო ანტიდოპინგური სააგენტოს (WADA) ერთობლივი გამოძიება, რომელიც ცნობილი იყო "ოპერაცია ობსიდიანის“ სახელით, მძიმე შედეგით დასრულდა - გამოძიება 2023 წელს დაიწყო და რამდენიმე დღის წინ ოფიციალურად დასრულდა, რომელმაც ხუთი შემთხვევა აღმოაჩინა, როდესაც ქართველმა მოთამაშეებმა სავარაუდოდ შარდის ნიმუშები გაცვალეს.

ყველაზე მძიმე ვერდიქტი ნაკრების ყოფილ კაპიტანს - მერაბ შარიქაძეს გამოუტანეს, რომელიც 11 წლიანი დისკვალიფიკაციით დაისაჯა.

• მერაბ შარიქაძე - 11 წელი

• გიორგი ჭყოიძე - 6 წელი

• ლაშა ხმალაძე - 3 წელი

• ოთარ ლაშხი - 3 წელი

• მირიან მოდებაძე - 3 წელი

• ლაშა ლომიძე - 9 თვე.

ასევე საინტერესოა ის ფაქტი, რომ საქმიანობას 9 წლით ჩამოაშორეს საქართველოს მორაგბეთა ნაკრების ყოფილი ექიმი - ნუცა შამათავა.

სკანდალთან დაკავშირებით ავტორიტეტული ბრიტანული გამოცემები მერაბ შარიქაძის კომენტარს აქვეყნებენ, სადაც ბორჯღალოსნებისა და შავი ლომის ყოფილი კაპიტანი იმედგაცრუებას ვერ მალავს.

შეგახსენებთ, რომ საქართველოს მორაგბეთა ნაკრების ყოფილმა კაპიტანმა, მერაბ შარიქაძემ ცოტა ხნის წინ დოპინგ სკანდალის გამო სარაგბო კარიერის იძულებით დასრულების შესახებ ისაუბრა.

შარიქაძის ცნობით, თანაგუნდელისთვის შარდის გაცვლის გამო, 6-წლიანი დისკვალიფიკაცია მისცეს. გამოძიება ამ დრომდე მიმდინარეობდა, თუმცა, არ ჰქონდა იმედი, რომ სასჯელს შეუმცირებდნენ და მოედანზე დააბრუნებდნენ.

მორაგბის განცხადებით, რაგბის კავშირს და მწვრთნელს აღნიშნულ საკითხთან არანაირი შემხებლობა არ ჰქონიათ.