ზურაბ ზურაბიანმა პარალიმპიურ თამაშებზე ვერცხლის მედალი მოიპოვა

პარიზის პარალიმპიურ თამაშებზე, ზურაბ ზურაბიანი (60 კგ.) პარაძიუდოს ტურნირის ფინალში შერზოდ ნამოზოვთან დამარცხდა და ვერცხლის მედალს დაეუფლა.

შეგახსენებთ, საქართველოს პარალიმპიურ თამაშებზე უკვე 5 მედალი აქვს. 1 ოქრო, რომელიც გიგა ოჩხიკიძემ ბირთვის კვრაში დაისაკუთრა, 2 ვერცხლი ვლადიმერ ჭინჭარაულის და ზურაბ ზურაბიანის მიერ მოპოვებული, 2 კი ბრინჯაო, რომლებიც პარატაეკვონდოისტმა ანა ჯაფარიძემ და ეტლით მოფარიკავე ნინო თიბილაშვილმა მოიგეს.