ზუკა რურუა: "ეს მატჩი ფინალის ტოლფასი იქნება, ქართული წყალბურთის ისტორიის დაწერის შანსი გვეძლევა"

"ეს უმნიშვნელოვანესი გამარჯვება იყო. ეს იყო პროგრამა მინიმუმი და რასაც ვგეგმავდით - შევასრულეთ! დისციპლინებული და სწორ დაცვაზე ორიენტირებული თამაში ვითამაშეთ, ყველა მაქსიმალურად დაიხარჯა და ძალიან კმაყოფილები ვართ ბიჭების თავდადებით. ჩემპიონთა ლიგაზე მეორე მატჩის მოგება რა თქმა უნდა, ძალიან დიდი წარმატებაა. ხვალინდელი შეხვედრა რა თქმა უნდა, უმძიმესი იქნება. ეს ჩვენთვის ფინალია და შანსები ნამდვილად გვაქვს... ის უდავოა რომ "ჰანოვერის" კლუბი ჩვენზე ძლიერია, თუმცა გვაქვს შანსი, რომ წყალბურთის ისტორია დავწეროთ და რვათა ფინალში გასვლა შევძლოთ", - თქვა ზუკა რურუამ ჩვენთან საუბრისას.