ყველაზე ტიტულოვანი ძიუდოისტი მსოფლიოში - რინერმა დიდი ისტორია დაწერა

2024 წლის ოლიმპიური თამაშების დასკვნითი საშეჯიბრო დღე ფრანგული ჰიმნით დაიხურა. +100 კგ წონით კატეგორიაში, ოლიმპიური ჩემპიონი - ტედი რინერი გახდა და მსოფლიოში ყველაზე ტიტულოვანი ძიუდოისტი გახდა.

კერძოდ - ტედი რინერი ისტორიაში პირველი ძიუდოისტია, რომელმაც ოლიმპიურ თამაშებზე 6 მედალი მოიპოვა, ასევე პირველი ძიუდოისტია ისტორიაში, რომელმაც 4-ჯერ შეძლო ოლიმპიური ოქროს მედლის მოპოვება.

ტედი რინერის შედეგები ოლიმპიურ თამაშებზე

• 2008 წლის პეკინის ოლიმპიადა - ბრინჯაოს მედალი

• 2012 წლის ლონდონის ოლიმპიადა - ოქროს მედალი

• 2016 წლის რიოს ოლიმპიადა - ოქროს მედალი

• 2020 წლის ტოკიოს ოლიმპიადა - ოქროს მედალი (გუნდურში) და ბრინჯაოს მედალი ინდივიდუალურად.

• 2024 წლის პარიზის ოლიმპიური თამაშები - ოქროს მედალი.

გარდა ოლიმპიური ჩემპიონობისა, ტედი რინერი 11-გზის მსოფლიოს და 5-გზის ევროპის ჩემპიონია.

დიდია ალბათობა იმისა, რომ დღეს, ტედი რინერის კარიერაში ბოლო ბრძოლები ვიხილეთ. როგორც მან ოლიმპიური თამაშების წინ განაცხადა, 2024 წელს, ოლიმპიური ჩემპიონობის შემთხვევაში იგი ძიუდოდან წავიდოდა.