UFC LONDON | რომან დოლიძე კრისტიან ლეროი დანკანთან დამარცხდა

რომან დოლიძე ლონდონში მიმდინარე UFC Fight Night-ის მთავარ ქარდზე გამოვიდა - სამწუხაროდ ქართველი მებრძოლი ინგლისელ კრისტიან ლეროი დანკანთან დამარცხდა.

3-რაუნდიანი ბრძოლის პირველი 2 რაუნდი მეტოქის აშკარა უპირატესობით წარიმართა. მართალია დოლიძემ მესამე რაუნდში დამაჯერებლად მოიგო, მაგრამ ეს საბოლოო გამარჯვებისთვის საკმარისი არ აღმოჩნდა - კრისტიან ლეროი დანკანი გამარჯვებულად მსაჯების ერთსულოვანი გადაწყვეტილებით დასახელდა.

37 წლის რომან დოლიძისთვის ეს UFC-ში ზედიზედ მეორე წაგებაა. დოლიძე 2025 წლის 10 აგვისტოს ენტონი ჰერნანდესთან დამარცხდა.