წყალბურთი | საქართველომ ევროპის ჩემპიონატზე სლოვენია დაამარცხა

სერბეთის დედაქალაქ ბელგრადში წყალბურთის ევროპის ჩემპიონატი მიმდინარეობს. საქართველოს ეროვნული ნაკრები B ჯგუფში ასპარეზობს და მე-3 მატჩი გამართა, სადაც სლოვენიის ნაკრები 22:11 დაამარცხა.

შეხვედრის მიმდინარეობას რაც შეეხება, საქართველოს ნაკრებმა პირველი მეოთხედი 4:3 მოიგო, მეორე 4:5 დათმო, ჩვენი გუნდისთვის მესამე და მეოთხე პერიოდები საუკეთესო აღმოჩნდა, მესამე მეოთხედში ქართველმა წყალბურთელებმა 6:2 მოიგეს, ხოლო უკანასკნელ პერიოდში 8:1.

ამ გამარჯვებით საქართველოს ეროვნულმა ნაკრებმა ჯგუფში მე-3 ადგილი დაიკავა და მომდევნო ჯგუფურ ეტაპზე გასვლა მოახერხა.

სლოვენიის წინააღმდეგ ქართველი წყალბურთელების მონაგარი ასეთი გახლდათ:

• საბა ტყეშელაშვილი - 3

• ველიკო ტანკოსიჩი - 3

• ნიკა შუშიაშვილი - 3

• ვატო დადვანი - 2

• გიორგი მაგრაქველიძე - 2

• დუშან ვასიჩი - 2

• სტეფან პიეშივაცი - 2

• სანდრო ადეიშვილი - 2

• ანდრია ვლაჰოვიჩი - 2

• იოვან სარიჩი - 1

შეგახსენებთ, რომ საქართველოს ნაკრები საწყის ორ შეხვედრაში დამარცხდა, საბერძნეთთან 6:20, ხოლო ხორვატიასთან 7:18.