წარუმატებელი კრიპტო ინვესტიცია - ჯეიკ პოლი გაკოტრების ზღვარზეა

კრიპტოვალუტის კურსის მკვეთრი ვარდნის შედეგად, ჯეიკ პოლი გაკოტრების ზღვარზეა. აღნიშნულ ინფორმაციას, ცნობილი იუთუბერისა და მოკრივის ძმა - ლოგანი ავრცელებს. იუთუბერმა, რომელმაც რინგზე რამდენიმე გამორჩეული ბრძოლა გამართა, მხოლოდ გასულ წელს 36$ მილიონის გამომუშავება შეძლო, თუმცა, ჯეიკ პოლმა კრიპტო ბიზნესში წარუმატებელი ინვესტიციის შემდეგ, თანხის სოლიდური ნაწილი დაკარგა. სავალუტო ბირჟაზე ბიტკოინის ფასის მკვეთრი გაუფასურება შეინიშნება. კრიპტოვალუტის ღირებულება დაახლოებით 25%-ით გაუფასურდა და უკანასკნელი 18 თვის განმავლობაში ყველაზე დაბალ ნიშნულამდე დაეცა. შექმნილ ვითარებას Coinbase-ც გამოეხმაურა. ორგანიზაცია აღნიშნავს, რომ "კრიპტო ზამთრის" გამო, თანამშრომელთა 18%-ის დროებით გათავისუფლება მოუხდა. "imPaulsive"-ს უკანასკნელ ეპიზოდში, ძმები ფანების დასმულ კითხვებს პასუხობდნენ. მოკრივის კარიერის შესახებ საუბრისას, გულშემატკივარმა ლოგანს მისი ძმის მიერ გამომუშავებული თანხის შესახებ ჰკითხა, რაზეც ლოგანმა უპასუხა: "მნიშვნელობა არ აქვს, რა თანხა გამოიმუშავა. ყველაფერი კრიპტო ბიზნესში დააბანდა და ახლა ის ღარიბია".

Biden accomplishments 1. Highest gas prices 2. Worst inflation 3. Plummeting crypto prices 4. Highest rent prices ever 5. Created new incomprehensible language If you’re reading this and voted for Biden and you still don’t regret it then you are the American problem. — Jake Paul (@jakepaul) June 12, 2022