სოიჩი ჰაშიმოტომ 34 წლის ასაკში კარიერა დაასრულა

34 წლის ასაკში, ლეგენდარულმა იაპონელმა ძიუდოისტმა - სოიჩი ჰაშიმოტომ კარიერის დასრულება გადაწყვიტა.

მან ამის შესახებ სოციალურ ქსელში გამოაცხადა და აღნიშნა, რომ ბევრი დაბრკოლების მიუხედავად, იგი მაინც უბედნიერესია მისი კარიერით და ამაყობს, რომ იაპონური ძიუდოისთვის უდიდესი საქმე აქვს გაკეთებული.

შეგახსენებთ, რომ სოიჩი ჰაშიმოტო 2017 წლის მსოფლიო ჩემპიონი და 2016 წლის აზიის კონტინენტის პირველობის გამარჯვებულია, მან 32 წლის ასაკში პირველად მიიღო ოლიმპიურ თამაშებზე მონაწილეობა, სადაც ინდივიდუალურ ასპარეზობაში ბრინჯაოს მედალი მოიპოვა, გუნდურ ასპარეზობაში კი ვერცხლი მოიგო. მიზეზი, თუ რატომ იჭიდავა მან მხოლოდ ერთხელ ოლიმპიურ თამაშებზე, მთავარი მიზეზი შოჰეი ონოა, რომელიც თავის წონაში მთელი კარიერის განმავლობაში ჭიდაობდა და სოიჩი ჰაშიმოტოს მის წინააღმდეგ უბრალოდ შანსი არ ჰქონდა.

მას მსოფლიო ჩემპიონატებზე ინდივიდუალურ ასპარეზობაში 5 მედალი აქვს მოპოვებული, საიდანაც ერთი ოქროა, 2 ვერცხლი და 2 ბრინჯაო. გუნდურ ასპარეზობაში კი იგი მსოფლიოს 6-გზის ჩემპიონია. მას ასევე კარიერაში 4 მასტერსი აქვს მოგებული, IJF ტურში კი მის ანგარიშზე 6 ოქროს მედალია.