"შენთან ბრძოლა ძალიან მინდა" - გურამ ქუთათელაძე პადი პიმბლეტს იწვევს
გურამ ქუთათელაძემ პადი პიმბლეტი გამოიწვია.
ინგლისელს ქართველებთან არც ისე კარგი ურთიერთობა აქვს. მისი და ილიას დაპირისპირების ვიდეო ყველას ბევრჯერ გვაქვს ნანახი. ეს ყველაფერი იქიდან დაიწყო, როდესაც პიმბლეტმა საქართველოს და ქართველ ხალხს შეურაცხყოფა მიაყენა.
ილია ახლა ჩემპიონია და პიმბლეტს ძალიან ბევრი აქვს გასაკეთებელი იმისთვის, რომ "მატადორს" შეხვდეს. პადის ისიც ურთულებს სიტუაციას, რომ ილია სხვა დივიზიონში იბრძვის. ქუთათელაძემ კი ამ "პრობლემისთვის" მარტივი გამოსავალი იპოვა.
პადი ვნახე ელოდები როდის ამოვა ილია მსუბუქ წონაში, რომ მასთან იბრძოლო. ეს არარეალურად ჟღერს. მოდი ყველაფერს რეალურად შევხედოთ. ჩვენ დაუსრულებელი საქმე გვაქვს, მე მსუბუქი წონის დივიზიონში ვარ და შენთან ბრძოლა ძალიან მინდა. მეტი მიზეზი არ გჭირდება და არ უნდა მოიცადო. UFC, მომიყვანეთ ეს ბიჭი გალიაში. - წერს გურამი საკუთარ X-ის გვერდზე
.@PaddyTheBaddy I saw that you are waiting for @Topuriailia to come up to lightweight and fight him. That sounds unreal.
— Guram Kutateladze (@guram_dze) October 28, 2024
Let’s talk about reality.
We have unfinished business, I’m in lightweight devision, I’m eager to fight you. You don’t need any more reasons and you don’t…
გურამმა ბოლო ბრძოლა 3 აგვისტოს ჩაატარა და Cage Warriors-ის ყოფილი ჩემპიონი ჯორდან ვუჩენიკი დაამარცხა.
რაც შეეხება პიმბლეტს, მან ბოლოს 28 ივლისს იბრძოლა და ბობი გრინი პირველ რაუნდში მახრჩობელა ილეთით დაამარცხა.
სხვა სტატიები
