შანსი ახალგაზრდებს მიეცემათ - ულანბატორში 6 ძიუდოისტით ვიასპარეზებთ

მსოფლიო ჩემპიონატის დასრულების შემდეგ, ძიუდო ულანბატორის გრანდ სლემით ბრუნდება.

25-27 უვნისს, მონღოლეთის დედაქალაქ ულანბატორში, ძიუდოს გრანდ სლემი გაიმართება, სადაც საქართველოს ძიუდოისტთა ნაკრები 6 სპორტსმენით წარდგება და შანსი ახალგაზრდა ძიუდოისტებს მიეცემათ.

შემადგენლობა

• 73 კგ - გიორგი ლოლაძე, მათე ბერუაშვილი

• 81 კგ - კოტე კაპანაძე, ალექსანდრე ლოლაძე

• 90 კგ - ნიკოლოზ დავლაძე

• +100 კგ - საბა ქარდავა.

ზემოთ ჩამოთვლილი სპორტსმენებიდან ყველა ასაკობრივი ნაკრების წევრია. ისინი 20-21 წლის ბიჭები არიან, რომლებსაც კარიერაში უდიდესი მიზნები აქვთ. კოტე კაპანაძის გარდა, ეროვნულ ნაკრებში ყველა ძიუდოისტს დებიუტი ექნება.