საქართველოს 23-წლამდელთა ძიუდოს შერეული ნაკრები ევროპის ჩემპიონია

პოლონეთში მიმდინარე ევროპის ჩემპიონატზე, 23-წლამდე ძიუდოისტთა ნაკრებმა გუნდური პირველი ადგილი მოიპოვა. გოგონათა და ვაჟთა შერეულმა გუნდმა ფინალში უკრაინა 4:3 დაამარცხა და საუკეთესო ნაკრები გახდა. ფინალი დაძაბული იყო და დამატებითი ორთაბრძოლის ჩატარება გახდა საჭირო.

თავისი შეხვედრები ირაკლი დემეტრაშვილმა, გიორგი ლოლაძემ და აკაკი ჯაფარიძემ მოიგეს. ჯაფარიძის გამარჯვებით ანგარიში 3:3 გახდა, ამიტომ 'ოქროს ქულის' მოსაპოვებლად აკაკი ჯაფარიძე ისევ გამოვიდა ტატამიზე და საქართველოს ნაკრებს ჩემპიონობა მოუტანა.

ჩვენმა ნაკრებმა ნახევარფინალში გერმანია ანგარიშით 4:1 დაამარცხა. თავისი შეხვედრები აკაკი ჯაფარიძემ, ირაკლი მეტრეველმა, ნინო ლოლაძემა და გიორგი ლოლაძემ მოიგეს, ეთერ ასკილაშვილს კი ტატამიზე გამოსვლა აღარ დასჭირდა.

გუნდურ შეჯიბრში ვერცხლისმედალოსნები უკრაინელები გახდნენ, ბრინჯაო კი ნიდერლანდებმა და გერმანიამ მოიპოვეს.