საქართველომ მსოფლიო თასზე რუმინეთი დიდი სხვაობით დაამარცხა

საქართველოს წყალბურთელთა ეროვნულმა ნაკრებმა მსოფლიო თასის საკვალიფიკაციო ეტაპის, 1/8-ფინალური ეტაპის მატჩში, რუმინეთი 23:12 დაამარცხა.

ჯვაროსნებმა მხოლოდ მეორე პერიოდი წააგეს, სრულად მატჩის მიმდინარეობა ასე გამოიყურება: I პერიოდი - 6:2, II - 6:7, III - 3:2, IV - 8:1.

მატჩში 7-7 გოლით ბომბარდირები იყვნენ ვალიკო დადვანი და ბესო ახვლედიანი. დუშან ვაშიჩმა 3 გოლი გაიტანა, სტეფან პიესივაკისმა და საბა ტყეშელაშვილმა კი 2-2.

მომდევნო ეტაპზე (1/4-ფინალში) საქართველოს ეროვნული ნაკრები უნგრეთს შეხვდება, მატჩი ხვალ 16:30 საათზე გაიმართება.