"სამართლიანი იქნება თუ მერაბი იმას გააკეთებს, რასაც მოისურვებს" - ჩაელ სონენი

როგორც მოგეხსენებათ, დანა უაითმა მერაბ დვალიშვილის მომავალ მეტოქედ უმარ ნურმაგომედოვი დაასახელა. მიუხედავად ამისა, "მანქანა" თვლის, რომ უმარი საჩემპიონო შანსს არ იმსახურებს. ამ სიტყვების გამო მერაბს ბევრი აკრიტიკებს, თუმცა, ლეგენდარული მებრძოლი და ახლა უკვე ექსპერტი ჩაელ სონენი თვლის, რომ მერაბს სრულიად აქვს უფლება მოითხოვოს ის, რაც თავად სურს.

შეგახსენებთ, რომ დეივესონ ფიგერედო გასულ შაბათს პიოტრ იანთან დამარცხდა. აღნიშნულ დაპირისპირებამდე დვალიშვილი ამბობდა, რომ მის სავარაუდო მეტოქეთა შორის ყველაზე ღირსეული სწორედ ბრაზილიელი იყო. თუმცა, იანის შეუდარებელი გამარჯვების შემდეგ, მერაბი მის მომავალ მეტოქედ იანს განიხილავს.