სადულაევი: "ხალხების მტრობაში არ უნდა გადაიზარდოს - ვფიქრობ, შევრიგდებით"

RAF-ის მომდევნო ღონისძიებაზე აბდულრაშიდ სადულაევიც იჭიდავებს - ის უკვე აბუ დაბიშია და დღეს ჟურნალისტებმა მერაბზე თავდასხმაზეც დაუსვეს შეკითხვები. ორგზის ოლიმპიური ჩემპიონი (თავისუფალ ჭიდაობაში) თბილისშიც იყო იმ დროს, როცა მერაბსა და 'დაღესტნელების' მეგობარს შორის კონფლიქტი წარმოიშვა. სადულაევი ამბობს, რომ ელოდა იმ ამბის გაგრძელებას.

შეგახსნებეთ, რომ უმარ და უსმან ნურმაგომედოვები, მეგობრებთან ერთად, თავს მერაბ დვალიშვილს, აბუ დაბის სასტუმროს ფოიეში დაესხნენ. 10-მდე დაღესტნელის განეიტრალებას მხოლოდ მერაბი და მასთან ერთად მყოფი საბა ლაზიშვილი ცდილობდნენ. ახლა ორივე მათგანი აბუ დაბის პოლიციის განყოფილებაშია - თავდამსხმელებთან ერთად.