"რუსებო არ შეგრცხვეთ და ამაყად იარეთ" - პლიუშენკოს სამარცხვინო განცხადება

ნაკლებად თუ ვინმე წარმოიდგენდა, რომ 21-ე საუკუნეში კაცობრიობა მსგავსი სისასტიკის მნახველი გახდებოდა. იმ დროს, როდესაც წამყვანი ქვეყნები ტექნოლოგიების განვითარებაზე, კოსმოსის შესწავლასა და მარსის ექსპანსიაზე ფიქრობენ, რუსეთმა მეზობელი ქვეყნის ოკუპაცია განიზრახა. საერთაშორისო სამართლის ფეხქვეშ გათელვით, რუსეთი უკრაინას ბარბაროსულად დაესხა თავს. თითქმის ორი კვირაა უკრაინის ქალაქების დაბომბვა არ წყდება, რასაც მშვიდობიანი მოქალაქეების - მათ შორის ბავშვების სიცოცხლე ეწირება. საერთაშორისო თანამეგობრობა და სრულიად სპორტული სამყარო გმობს რუსეთის აგრესიას. პოლიტიკურ დონეზე დაწესებული სანქციების პარალელურად, თითქმის ყველა სპორტულმა ორგანიზაციამ რუსეთსა და ბელორუსს სპორტული ღონისძიებების მასპინძლობა აუკრძალა. სპორტულმა ორგანიზაციებმა რუსეთი საკუთარი რიგებიდან მოკვეთეს და მსოფლიოს მასშტაბით ღონისძიებებში მონაწილეობის მიღება აუკრძალეს. არაერთი სახელოვანი სპორტსმენი რუსეთის ქმედებებს სასტიკად გმობს და ომის დაუყოვნებლივ შეწყვეტას მოითხოვს. სამწუხაროდ, იშვიათი გამონაკლისებიც არსებობს - არტიომ ძიუბასა და ივან კულიაკს არ სრცხვენიათ იმ ბოროტების, რომელსაც რუსეთი სჩადის. რუსი სპორტსმენები არათუ არ იზიარებენ მორალურ პასუხისმგებლობას - არამედ პროვოკაციული ქმედებებითაც გამოირჩევიან.

• ძიუბა: ,,არ მრცხვენია, რომ რუსი ვარ, ვამაყობ ამით”
• რუსი სპორტსმენის პროვოკაცია – პოდიუმზე ომის სიმბოლოთი

"მე ევგენი პლიუშენკო ვარ! მე რუსი ვარ! ვამაყობ იმით, რომ რუსი ვარ! დიდებულ რუსეთში, ხაბაროვსკის მხარეში დავიბადე. რუსებო, მთელს მსოფლიოში თავაწეულებმა იარეთ და არ შეგრცხვეთ იმის, რომ ხართ რუსები. იამაყეთ იმით, რომ ხართ რუსები", - აღნიშნულია პლიუშენკოს Instagram-ზე განთავსებულ პოსტში.

 

View this post on Instagram

 

A post shared by Евгений Плющенко (@plushenkoofficial)