რა ხდება მაისის ბაშოზე? | ტოჩინოშინის საჩემპიონო შანსები
2 წლის წინ
სხვა
3 წთ
სად იმართება ბაშო?
![](https://fcdn.belive.ge/livege/media/6944/pic-1024x536.png)
გაზაფხულის მეორე ტურნირს ტრადიციისამებრ ტოკიოს რიოგოკუ კოკუგიკანის სასახლე მასპინძლობს. დარბაზის ტევადობა 11,098 მაყურებელია. აღსანიშნავია, რომ ტურნირზე სუმოს სამყაროში მოქმედი ყველა სუპერვარსკვლავი მონაწილეობს.
სანიაკუ
(უმაღლესი წოდების მქონე მებრძოლები)
![](https://fcdn.belive.ge/livege/media/6280/sumo-1-1024x536.png)
იოკოძუნა
არცთუ ისე დამაჯერებელია იოკოძუნა ტერუნოფუჯი, რომელიც სუმოს სამყაროში ერთადერთი მებრძოლია, ვინც აღნიშნულ სტატუსს ატარებს. მონღოლი "დიდი ჩემპიონის" ბალანსი 6 მოგება და 3 მარცხია.
ოძეკები
მაისის ბაშოზე ოძეკების რანგში - მიტაკეუმი, შოდაი და ტაკაკეიშო არიან წარმოდგენილნი. ჩამოთვლილთაგან საუკეთესო შედეგი ტაკაკეიშოსა და მიტაკეუმის აქვთ, რომელნიც 10 საბრძოლო დღის შემდეგ თანაბარ ბალანსს - 5 მოგებასა და 5 მარცხს აფიქსირებენ. რაც შეეხება შოდაის, მან 10-დან მხოლოდ 3 ბრძოლის მოგება შეძლო.
სეკივაკეები
სეკივაკეების სტატუსს მოქმედი ჩემპიონი ვაკატაკაკაგე და აბი ინაწილებენ. მე-10 დღის შემდეგ, ორივე მათგანის ბალანსი იდენტურია - 5 მოგება და 5 მარცხი.
კომუსუბები
კომუსუბის წოდება მაისის ბაშოზე 2 მებრძოლს - ჰოშორიუსა და დაიეიშოს ერგოთ. ამ შემთხვევაშიც ორივე მებრძოლი ერთნაირ ბალანსს - 6 მოგებასა და 4 მარცხს აფიქსირებს, თუმცა უნდა აღინიშნოს, რომ ჰოშორიუმ ბოლო ორთაბრძოლა იოკოძუნა ტერუნოფუჯის წინააღმდეგ დათმო.
საჩემპიონო შანსები
![](https://fcdn.belive.ge/livege/media/64245/sumo-1024x536.png)
საყურადღებოა, რომ მე-10 დღის ბოლოს ერთობ მოულოდნელი მოცემულობაა. ბაშოს დასავლეთის მე-4 მაეგაშირა ტაკანოშო და დასავლეთის მე-15 მაეგაშირა იჩიამამოტო, 8 მოგებითა და 2 მარცხით, ლიდერობენ. მეორე საუკეთესო შედეგი 7 მოგება და 3 მარცხია, რომელსაც 5 მებრძოლი აფიქსირებს, ესენი არიან: ტერუნოფუჯი, კირიბაიამა, ურა, აოიამა და სადანოუმი. საჩემპიონო შანსებს ინარჩუნებს ქართველი ექს-ოძეკი ტოჩინოშინიც, რომელმაც მიუხედავად არასახარბიელო საწყისი დღეებისა, შეძლო და მე-10 საბრძოლო დღის შემდეგ 6 მოგება მოაგროვა. მე-11 საბრძოლო დღეს, სუმოს მამებმა ტოჩინოშინის მეტოქედ აღმოსავლეთის მე-15 მაეგაშირა აზუმარიუ წარმოადგინეს. ურთიერთშეხვედრების ჭრილში უნდა ითქვას, რომ აღნიშნული დუელი პირველად შედგება. იქედან გამომდინარე, რომ ტურნირის დასრულებამდე 5 დღეა დარჩენილი, ტოჩინოშინი საჩემპიონო შანსებსაც ინარჩუნებს.