რა იდო ყუთში, რომელიც ოლიმპიურ პრიზიორებს დაჯილდოებისას გადასცეს?

2024 წლის ზაფხულის ოლიმპური თამაშები დასრულდა, დახურვის ცერემონიაც შედგა, სპორტსმენებმა კუთვნილი მედლები მიიღეს და უკვე სამშობლოშიც დაბრუნდნენ.

პრიზიორმა ათლეტებმა მედლებთან ერთად, პატარა ყუთებიც მიიღეს. ალბათ ბევრს დაგაინტერესათ თუ რა იდო ოქროსფერს ყუთში. ავსტრალიელმა სპორტსმენმა ჯესიკა ფოქსმა საკუთარი სოციალური ქსელის საშუალებით ამ კითხვას პასუხი გასცა.

ოქროსფერ ყუთში პარიზის ოლიმპიადის ოფიციალური პოსტერი აღმოჩნდა. ნამუშევარი ფრანგმა არტისტმა უგო გატონიმ შეასრულა, რომელზეც 4 თვის განმავლობაში მუშაობდა. ჯამში გატონიმ აღნიშნულ პოსტერზე მუშაობაში 2,000 საათი დახარჯა.