ფიური Vs. უაითი - ბრიტანულ ბლოკბასტერს უემბლი უმასპინძლებს

2021 წლის ოქტომბერში, ტრილოგიის დასკვნით ბრძოლაში, დეონტეი უაილდერის განადგურების შემდეგ, დაუმარცხებელი ტაისონ ფიური რინგს უბრუნდება. კრივის მოყვარულები მოუთმენლად ელიან ბრიტანულ ბლოკბასტერს, რომელშიც მძიმე წონითი კატეგორიის ტიტულისათვის, დაუმარცხებელი ტაისონ ფიური დილიან უაითს დაუპირისპირდება. მძიმე წონითი კატეგორიის ორი გამორჩეული ბრიტანელი მოკრივის დაპირისპირება, 24 აპრილს, თბილისის დროით 01:00 საათზე, ინგლისელთათვის საკულტო სტადიონზე გაიმართება. გავრცელებული ინფორმაციით, "უემბლიზე" სრული ანშლაგი იქნება. 33 წლის ტაისონ ფიურის 34 წლის დილიან უაითთან შედარებით, ასაკთან ერთად, რამდენიმე განსაკუთრებული უპირატესობა აქვს. ფიური მეტოქეს სიმაღლითა და წონით აღემატება, ამ ფაქტორებმა კი რინგზე შესაძლოა გადამწყვეტი მნიშვნელობა იქონიოს. პროფესიონალური კარიერის განმავლობაში, ტაისონ ფიური არასდროს დამარცხებულა. ლეგენდარულმა ბრიტანელმა 32-დან 31 ბრძოლის მოგება შეძლო და მხოლოდ ერთ შემთხვევაში დაფიქსირდა ფრე. ხანგრძლივი პაუზის შემდეგ რინგზე დაბრუნებული ფიური, ტრილოგიის პირველ ბრძოლაში უაილდერს დაუზავდა, თუმცა უამრავი მიმომხილველი მიიჩნევს, რომ აღნიშნულ დაპირისპირებაში ფიურის გამარჯვება ეკუთვნოდა. 31 გამარჯვებიდან, ფიურიმ 22 ბრძოლა ნოკაუტით დაასრულა.

DON'T FORGET!!! I'm LIVE SATURDAY 9AM PST For Tyson Fury vs Dillian White I'm picking FURY BY KO IN RD 9 and you can too, SIGN UP NOW @MyBookie & use my promo code (WADE) to take advantage of a deposit match bonus up to $1000!! ⬇️https://t.co/GB4bwcxIOS#ad #FuryWhyte pic.twitter.com/rDW4WRubEW — Wade Plem (@WadePlem) April 21, 2022

"დარწმუნებული ვარ მის დამარცხებას შევძლებ - კარგი იქნება, რამდენიმე ადამიანს თუ მოვაკეტინებ. ეს ბრძოლა ჩემთვის ყველაფერს ნიშნავს. მე ვარ ადამიანი, რომელსაც ბავშვობაში მომავალი არ გააჩნდა. არანაირი განათლება, არანაირი ოჯახი, მე ვარ მებრძოლი, რომელმაც მთელი ბავშვობა ქუჩაში გაატარა". "არაფრიდან მოვდივარ. ზურგს არავინ მიმაგრებდა და არავინ მიჭერდა მხარს. სკოლაშიც კი არ მივლია - ასე, რომ სპორტით სკოლაში არასდროს დავკავებულვარ. ადამიანებისთვის, რომელთაც ჩემი მსგავსი ისტორია აქვთ, ინსპირაციის წყარო ვარ. დააღწიო თავი იმ სირთულეებს, რომელსაც ვაწყდებოდი და გახდე მძიმე წონითი კატეგორიის მსოფლიო ჩემპიონი - ესაა ნამდვილი ინსპირაცია და არა ის, რომ ვიღაც კრივის ოჯახში აღიზარდა ან ოლიმპიურ გუნდში ასპარეზობდა", - აღნიშნა უაითმა.

"მთავარი გამოწვევა იქნება, უაითის მარცხენა "ჰუკისგან" თავის არიდება, რომელსაც ალბათ ხარის დაგდებაც კი შეუძლია. მაქვს აქვს განსაკუთრებული მარცხენა "ჰუკი" და თუ ვინმეს დასარტყმელ პოზიციაზე მოიქცევს, ადვილად დააგდებს. ის ნამდვილად საშიში მეტოქეა - უაითი ისეთივე საშიშია, როგორიც ენტონი ჯოშუა ან ოლეკსანდრ უსიკი".