პარაკაიაკი | სერჰიი იემელიანოვი მსოფლიო ჩემპიონი გახდა

მსოფლიოს ჩემპიონატზე პარაკაიაკში, ისტორიაში პირველად, საქართველომ მედალი მოიპოვა - თანაც ოქრო, ჩემპიონი სერჰიი იემელიანოვი გახდა.

იტალია კანოეთი სპრინტსა და პარაკაიაკში მსოფლიოს ჩემპიონატს მასპინძლობს. მსოფლიოს ჩემპიონატზე საქართველოს სახელით მოასპარეზე სერჰი იემელიანოვმა 200-მეტრიანი დისტანცია 40,31 წამში დაფარა და ჩემპიონობა იზეიმა. მსოფლიოს ჩემპიონატში 70-მდე ქვეყნის 700-მდე ნიჩბოსანი მონაწილეობს.

გარდა ამ წარმატებისა, კანოე სპრინტში, საქართველოს ნაკრების წევრმა, ბადრი ყაველაშვილმა, ბრინჯაოს მედალი მოიპოვა.