ნიჩბოსნობა | სერჰი იემელიანოვი ზედიზედ მეორედ გახდა მსოფლიოს ჩემპიონი

სერჰი იემელიანოვი პარაკაიაკით ასპარეზობაში მსოფლიოს ჩემპიონია.

პოლონეთის ქალაქ პოზნანში კანოე სპრინტსა და პარაკანოეში მსოფლიოს ჩემპიონატი გაიმართა. საქართველოს ნაკრების წევრმა, სერჰი იემელიანოვმა პარაკაიაკით ფინალურ გაცურვაში, 200-მეტრიანი დისტანცია 39,82 წამში დაფარა და მსოფლიოს ჩემპიონობა ზედიზედ მეორედ იზეიმა.

მსოფლიოს ჩემპიონატში სხვადასხვა ქვეყნის 700-მდე სპორტსმენი მონაწილეობდა.

წინა წელს, მსოფლიო ჩემპიონატს იტალია მასპინძლობდა და სწორედ იქ მოიპოვა იემელიანოვმა საქართველოსთვის ისტორიული (პირველი მედალი) ოქრო პარაკაიაკიში - მაშინ სერჰიმ 200-მეტრიანი დისტანცია 40,31 წამში დაფარა.