პადი პიმბლეტი: "თუ ილიას 'ბერნაბეუზე' უნდა მასთან ბრძოლა, მე 'ენფილდზე' შევხვდები"

კონორ მაკგრეგორი MMA-ის ისტორიაში უდავოდ ყველაზე გამორჩეული მებრძოლია. ირლანდიელმა ეს ახალგაზრდა სპორტი სულ სხვა დონეზე გადაიყვანა. 2016 წელს 'Notorious' ორი დივიზიონის ჩემპიონის ქამარს დაუფლა და მას შემდეგ, მისი სახელი MMA-ში წარუშლელი გახდა.

ბუნებრივია, რომ მასთან ბრძოლა ბევრს უნდა. სახელის მოხვეჭასთან ერთად, საკმაოდ სოლიდურ ანაზღაურებასაც მიიღებენ. ჩემპიონობის შემდეგ, კონორი ილია თოფურიამაც გამოიწვია, თუმცა, ჯერ პასუხი არ ისმის. ირლანდიელთან დაპირისპირების სურვილი თოფურიას 'Hater-მა' პადი პიმბლეტმაც გამოთქვა. ლივერპულელს საოცნებო ბრძოლაზე ჰკითხეს.

ინგლისელი მებრძოლი UFC-ში დაუმარცხებელია. ის ოქტაგონზე 5-ჯერ ვიხილეთ და ყველა ჯერზე გამარჯვებული გამოვიდა. ლივერპულელმა ბოლო ბრძოლაში ლეგენდარული ტონი ფერგიუსონი დაამარცხა.