"მერსედესს" მთავარი ტექნიკური დირექტორი ტოვებს

11-წლიანი თანამშრომლობის შემდეგ "ვერცხლისფერ ისრებს" (მერსედესი) მთავარი ტექნიკური დირექტორი მაიკ ელიოტი ტოვებს. ელიოტმა ამ პოსტზე მხოლოდ 6 თვე იმუშავა და მას ჯეიმს ალისონი ჩაანაცვლებს.

რაც შეეხება ახალ ტექნიკურ დირექტორს, აქამდე ჯეიმს ალისონის მოვალეობა ტექნიკური სტრატეგიის შემუშავება იყო ( გუნდის ტექნიკური შესაძლებლობების განახლება მომავალი წლებისთვის). მას ამ მიმართულებით მუშაობა სწორედ მაშინ მოუხდა, როდესაც Red Bull "ფორმულა 1"-ის დომინანტი გახდა და მერსედესი რეიტინგში უკან ჩამოიტოვა.