"მე ქვეყნის გარეთ არ ვიბრძვი" - ო'მალი დვალიშვილთან ჩხუბზე
შონ ო'მალის მერაბ დვალიშვილთან შეხვედრა რაც შეიძლება სწრაფად სურს. თუმცა, ერთი პრობლემა არის. ჩემპიონის თქმით, UFC გეგმავს, რომ რამდენიმე ღონისძიება აშშ-ს გარეთ გამართოს. ეს ყველაფერი კი ო'მალისთვის პრობლემას წარმოადგენს. შონი ამბობს, რომ ამერიკის გარეთ შეხვედრების ჩატარება არ სურს. მისი ეს განცხადება ოდნავ უცნაურია, რადგან ვერას დამარცხების შემდეგ, ილიასთან ესპანეთში ბრძოლის სურვილი გამოთქვა.
მერაბთან ბრძოლის ჩანიშვნას რაც შეიძლება სწრაფად ვცდილობ. თუმცა, მთავარი პრობლემა ის არის, რომ მომავალი რამდენიმე ღონისძიება ქვეყნის გარეთ გაიმართება. მე კი აშშ-ს გარეთ არ ვიბრძვი. თუმცა, მზად ვარ წავიდე. ღმერთო, ძალიან მინდა მერაბს მუხლი დავარტყა და გავაბრტყელო. - განაცხადა შონ ო'მალიმ
Sean O’Malley says he’s trying to get the fight with Merab Dvalishvili ‘booked ASAP’, but wants the fight to be in the USA:
— Championship Rounds (@ChampRDS) April 22, 2024
“I’m trying to get it booked ASAP, the only issue is some of the next PPVs aren’t in the country, and I’m not fighting out of the country.
God, I just… pic.twitter.com/PhqMGgkSIH
ჯერჯერობით არ ვიცით როდის შედგება მერაბისა და ო'მალის შორის დაპირისპირება. თუმცა, ბუკმეიკერებმა კოეფიციენტები უკვე გამოთვალეს. თუ "მანქანისა" და "შუგას" ბრძოლა ჩაინიშნება, ქართველი ფავორიტი იქნება.
დიდი ალბათობით, ეს ორი მებრძოლი ერთმანეთს ლას ვეგასში, Sphere-ში, მექსიკის დამოუკიდებლობის დღეს დაუპირისპირდება.
სხვა სტატიები
