ლუკა შონიამ ევროპულ თამაშებზე ოქროს მედალი მოიპოვა

პოლონეთის ქალაქ კრაკოვში ევროპული თამაშები მიმდინარეობს.

დღეს, ქართველმა კიკბოქსიორმა, ლუკა შონიამ, -75 კილოგრამ წონით კატეგორიაში ოქროს მედალი მოიპოვა.

შონიამ ფინალამდე ორი შეხვედრის მოგება შეძლო – მეოთხედფინალში ანდრეა ნანი მარიო (იტალია) დაამარცხა, ნახევარფინალში კი – იაკუბ პოკუშა (პოლონეთი).

ფინალში ქართველმა მებრძოლმა უკრაინელ ტიმურ ბრიკოვს მოუგო (3:0) და ჩემპიონი გახდა.

ეს ევროპულ თამაშებზე საქართველოს ნაკრებისთვის მეცხრე (4 ოქრო, 2 ვერცხლი, 3 ბრინჯაო) მედალია.