ლუის ჰამილტონი ფერარის ტესტირებისას ჯებირებს შეეჯახა

F1-ის შვიდგზის ჩემპიონი, ლუის ჰამილტონი, რომელიც მერსედესთან ერთად 12 წლის ყოფნის შემდეგ იტალიურ გუნდში გადავიდა, დღეს მონაწილეობას იღებდა დახურულ ტესტირებაში - Circuit de Barcelona-Catalunya-ზე. ჰამილტონი და შარლ ლეკლერი 'ფერარის' ბოლიდებს ცდიან და ახალი სეზონისთვის ემზადებიან.

ჰამილტონისთვის სესია ნაადრევად, დილის 11 საათზე დასრულდა, რადგან ბრიტანელმა პილოტმა დაკარგა კონტროლი Ferrari SF-23-ზე და 4,6 კმ-იანი ტრეკის ბოლო სექტორში ბარიერებს შეეჯახა. ჰამილტონი უვნებლად გადარჩა, თუმცა ბოლიდი სერიოზულად დაზიანდა. სანამ გამოძიება ჯერ კიდევ მიმდინარეობს ინგლისელი პილოტის ავარიის მიზეზის დასადგენად, შარლ ლეკლერი იძულებულია ავტოფარეხში დაელოდოს მანქანის შეკეთების დასრულებას, მის მიერ ბოლიდის გატესტვა გადადებულია.