კიბერ სპორტი | Counter-Strike 2-ის საქართველოს ნაკრები ევროპის ჩემპიონატზე მოსახვედრად იბრძოლებს

21 მაისს, კიბერ სპორტის ერთ-ერთი ყველაზე მნიშვნელოვანი ტურნირი აიღებს სტარტს, რომელშიც Counter-Strike 2-ის საქართველოს ნაკრები მიიღებს მონაწილეობას. მთლიანობაში, ევროპის ჩემპიონატის შესარჩევ ეტაპზე, 4 სხვადასხვა სათამაშო კატეგორიაში, 41 ქვეყანა 600-ზე მეტი მოთამაშით იქნება წარმოდგენილი.

Counter-Strike 2-ის საქართველოს ნაკრები 7 წევრისგან შედგება და სრულად Millennium-ის გუნდისგანაა დაკომპლექტებული. ჩვენი ნაკრები საკმაოდ რთულ ჯგუფში შეეცდება წარმატების მიღწევას და ევროპის ჩემპიონატის საგზურის მოპოვებას. საქართველო გამოსვლას 22 მაისს დაიწყებს და E-ჯგუფში: პოლონეთის, ისრაელის, მონტენეგროსა და ლიეტუვას წინააღმდეგ ითამაშებს.

Counter-Strike 2-ის საქართველოს ნაკრების შემადგენლობა

გიორგი "Chujoi" კოშაძე - Anchor

ნიკოლოზ "Space" ბურნაძე - AWP

ნიკა "Niqzora" შანავა - Support

ლუკა "Moiss" მოისწრაფიშვილი - Entry Fragger

გიორგი "Kpn" კაპანაძე - InGame Leader

გიორგი "Schwarz" გახოკიძე - Entry Fragger

ლაშა "Gomora" ჭანტურიძე - Rifler

ევროპის ჩემპიონატის შესარჩევი ეტაპის დაწყებამდე რამდენიმე დღით ადრე, Counter-Strike 2-ის საქართველოს ნაკრების კაპიტანი მოტივირებულია და აღნიშნავს, რომ გუნდი წარმატების მისაღწევად საკმაოდ დიდხანს ემზადებოდა.

შეგახსენებთ, რომ ევროპის ჩემპიონატის შესარჩევი ეტაპი 21 მაისს დაიწყება, საქართველო კი ტურნირში 22 მაისიდან ჩაერთვება.

საქართველოს ნაკრების განრიგი

22 მაისი| 22:45 Vs. პოლონეთი

23 მაისი | 22:45 Vs. ლიეტუვა

24 მაისი | 16:30 Vs. ისრაელი

24 მაისი | 20:15 Vs. მონტენეგრო