ისრაელ ადესანია ალკოჰოლთან ბრძოლის კურსს გაივლის

რამდენიმე თვის წინ, ავტომობილის არაფხიზელ მდგომარეობაში მართვის გამო, ისრაელ ადესანია ახალი ზელანდიის პოლიციამ დააკავა. UFC-ის მებრძოლი რესტორნიდან ბრუნდებოდა, როცა პოლიციამ გააჩერა. ალკოტესტის გავლის შემდეგ, ადესანიას ორგანიზმში ალკოჰოლის დასაშვებზე ორჯერ დიდი დოზა აღმოაჩნდა. გავრცელებული ინფორმაციის თანახმად, ყოფილ ჩემპიონს ჯარიმის სახით $2,680 უნდა გადაეხადა.

სასამართლოს გადაწყვეტილებით ადესანიას ავტომობილის მართვის უფლება 6 თვით ჩამოერთვა. გარდა ამისა, ჯარიმის სახით $1500 დაეკისრა, რაც drink-drive charity-ს საქველმოქმედო ორგანიზაციაში გადაირიცხება. ამ ყველაფერთან ერთად სასამართლომ ადესანია დაავალდებულა, რომ ალკოჰოლთან ბრძოლის კურსი გაიაროს.

შეგახსენებთ, რომ ისრაელ ადესანიამ ჩემპიონის ქამარი სიდნეიში, UFC 293-ზე შონ სტრიკლენდის წინააღმდეგ დაკარგა. აქვე იმასაც გეტყვით, რომ მისი  რეკორდი 24-3 და აქედან 16 ნოკაუტით გამარჯვება.