"ის ნამდვილად არის სუპერმსუბუქი წონის GOAT" - ალჯამაინ სტერლინგი დვალიშვილზე

უმარის დამარცხების შემდეგ, მერაბს ჰკითხეს უწოდებდა თუ არა საკუთარ თავს სუპერმსუბუქი წონის GOAT-ს. დვალიშვილმა საკუთარ დივიზიონში ყველა გამორჩეული მებრძოლი დაამარცხა მაგრამ, მაინც ამბობს რომ ის საუკეთესო არ არის. დვალიშვილის აზრით, სუპერმსუბუქი წონის GOAT ალჯამაინ სტერლინგი არის. თავად იამაიკელი მებრძოლი განსხვავებულად ფიქრობს.

შეგახსენებთ, რომ UFC 311-ზე მერაბ დვალიშვილმა უმარ ნურმაგომედოვი მსაჯთა ერთსულოვანი გადაწყვეტილებით დაამარცხა. აქვე იმასაც გეტყვით, რომ მერაბი პირველია, ვინც უმარ ნურმაგომედოვის დამარცხება შეძლო. გარდა ამისა, "მანქანა" პირველი მებრძოლი გახდა, რომელმაც UFC-ში "ახალგაზრდა არწივის" მიწაზე გადაყვანა შეძლო. საჩემპიონო ჩხუბში დვალიშვილმა რეკორდის დამყარებაც შეძლო. UFC-ის ისტორიაში მან ყველაზე მეტი - 92 გდება შეასრულა და ამით ლეგენდარულ ჯორჯ სენ-პიერს გადაუსწრო.