ჰოლოუეის მწვრთნელს მიაჩნია, რომ თოფურიას სტილი მათ სასარგებლოდ იმუშავებს
6 თვის წინ
სხვა
1 წთ
მაქს ჰოლოუეის მწვრთნელს ივან ფლორესს ილია თოფურიას უნარების შესახებ ჰკითხეს. მან "მატადორი" შეაქო, თუმცა, ისიც დაამატა, რომ მისი ზომა დიდ პრობლემებს შეუქმნის. მწვრთნელის თქმით, მაქსისთვის გრძელი წვდომი დიდი უპირატესობა იქნება.
ივან ფლორესმა თავად ილია თოფურიას შესახებაც ისაუბრა.
ილია საკმაოდ კარგი მოკრივეა და სწრაფი ხელებიც აქვს, ძლიერადაც ურტყამს. აგრესიულია და საკუთარ ძალებშიც დარწმუნებული არის. თუმცა, ყველაზე დიდი პლუსი მაინც მისი სწრაფი ხელებია. ის ჰგავს მებრძოლს, რომელიც სუპერმსუბუქი წონისთვის დიდია და ქვემსუბუქ წონაში ასპარეზობს. - განაცხადა ჰოლოუეის მწვრთნელმა
ფლორესი თვლის, რომ ილიას აგრესიული სტილი მაქსისთვის კარგი იქნება. მუდამ წინ მიმავალი თოფურიას შეცდომაზე დაჭერა ჰოლოუეის მარტივად გამოუვა.
ჩვენ ძალიან მოგვწონს ისეთ ბიჭთან ბრძოლა, რომელიც სულ წინ მოდის. მაქსი ამ დროს ძალიან საშიშია. დაცვიდან ჩხუბი კარგად გამოსდის. მაქს შეუძლია ყველაფერს გაუმკლავდეს, რასაც ილია უმზადებს. როგორც წესი ილიას მსგავსი სტილის ბიჭები ჩვენს სასიკეთოდ მოქმედებენ. მათ საკუთარი თავის სჯერათ და სწორედ აქ უშვებენ შეცდომას. ყველაზე საინტერესო ის არის თუ რა მომენტში გადაწყვეტს ილია გრეპლინგს. ეს აუცილებლად მოხდება. - განაცხადა ივან ფლოერსმა
შეგახსენებთ, რომ BMF ქამრის მოგების შემდეგ, მაქს ჰოლოუეიმ ილია თოფურია გამოიწვია. ჩემპიონმა მაქსის გამოწვევა მიიღო და მასთან ბრძოლას მხოლოდ იმ შემთხვევაში დათანხმდება თუ BMF-ის ქამარს ჩამოვა. ჯერჯერობით, ამ დაპირისპირებაზე ოფიციალურად არაფერი ვრცელდება, თუმცა, დიდი ალბათობით მაქსისა და ილიას ბრძოლა ვიხილავთ.
სხვა სტატიები
