გიგა ოჩხიკიძემ მსოფლიო რეკორდი დაამყარა და ოქროს მედალი მოიპოვა

ქართველმა მძლეოსანმა გიგა ოჩხიკიძემ პარიზის 2024 წლის პარალიმპიადაზე ბირთვის კვრაში ოქროს მედალი მოიპოვა. ქართველმა პარასპორტსმენმა ბირთვი 9.66 მეტრზე გაისროლა და ამით მსოფლიო რეკორდი დაამყარა.

შეგახსენებთ, რომ აქამდე პარიზის პარალიმპიადაზე ჩვენს ნაკრებს 1 მედალი ჰქონდა, რომელიც ქართველმა პარასპორტსმენმა მოიპოვა და ეს ანა ჯაფარიძე გახლდათ, მან ბრინჯაოს მედალი პარატაეკვანდოში მოიგო.