ევროპის ჩემპიონატი გუნდურში - კენჭისყრის შედეგები ცნობილია

საქართველოს ძიუდოისტთა ეროვნული ნაკრები ევროპის ჩემპიონატის გუნდურ პირველობაზე ტიტულის დასაცავად ემზადება.

ტურნირი ხვალ, 7 ნოემბერს, სერბეთის დედაქალაქ ბელგრადში, ალექსანდრ ნიკოლიჩის სახელობის სპორტის სასახლეში გაიმართება.

ტურნირის მოქმედი გამარჯვებული საქართველოს ნაკრები პირველ რაუნდს ტოვებს და ასპარეზობას 1/4-ფინალიდან დაიწყებს, სადაც უნგრეთსა და ბელარუსს შორის საუკეთესოს დაუპირისპირდება.

საქართველოს ნაკრების შემადგენლობა შერეულ გუნდურ პირველობაზე:

კაცები:

• -73 კგ: ლაშა შავდათუაშვილი, თენგო ზირაქაშვილი

• -90 კგ: ლუკა მაისურაძე, ლუკა ჯავახიშვილი

• +90 კგ: გურამ თუშიშვილი, ირაკლი დემეტრაშვილი

  ქალები:

• -57 კგ: ეთერ ლიპარტელიანი, ნინო ლოლაძე

• -70 კგ: ნინო გულბანი

• +70 კგ: სოფიო სომხიშვილი

შეგახსენებთ, რომ საქართველოს ნაკრებმა 2025 წელს მონტენეგროში ფინალში იტალია 4:3 დაამარცხა და შერეულ გუნდურ პირველობაში ევროპის ჩემპიონი გახდა, 2024 წელს კი ფინალში საფრანგეთთან დამარცხდა.