"ერთად გავიმარჯვეთ, საქართველომ გაიმარჯვა" - დოლიძემ გულშემატკივრებს მომართა

UFC FIGHT NIGHT-ის მთავარ ბრძოლაში რომან დოლიძემ მარვინ ვეტორი მსაჯების ერთსულოვანი გადაწყვეტილებით დაამარცხა და რევანში აიღო.

ქართველმა 5-რაუნდიან დაპირისპირებაში დამაჯერებელი დომინაცია შემოგვთავაზა და UFC-ში მორიგი გამარჯვება მოიპოვა. შეგახსენებთ, რომ Apex-ში გამართულ Fight Night-ზე რომანისა და მარვინის დაპირისპირება საღამოს მთავარი ჩხუბი იყო.

აქვე იმასაც გეტყვით, რომ ვეტორი საშუალო წონის მე-9 ნომერია და მასზე გამარჯვებით დოლიძე TOP 10-ში ადგილს მიიღებს.

ბრძოლის დასრულების შემდეგ, რომან დოლიძემ სოციალურ ქსელში პოსტი განათავსა, სადაც გულშემატკივრებას მადლობა გადაუხადა.

მარვინ ვეტორის წინააღმდეგ მოპოვებული დამაჯერებელი გამარჯვების შემდეგ, რომან დოლიძემ რობერტ უიტეკერთან ან ისრაელ ადესანიასთან ბრძოლის სურვილი გამოთქვა.