დიდი ბრძოლის გამეორება - მეივეზერი/პაკიაო ოფიციალურად ჩაინიშნა

ფლოიდ მეივეზერისა და მენი პაკიაოს რემატჩი ოფიციალურად 2026 წლის 19 სექტემბერს ჩაინიშნა. უდიდესი პროფესიონალური ბრძოლა პირდაპირ ეთერში Netflix-ზე გადაიცემა.

ლეგენდები - მეივეზერი და პაკიაო ერთმანეთს ლას-ვეგასში, Sphere-ში შეხვდებიან. ეს ღონისძიება პირველი პროფესიონალური კრივის მატჩია, რომელიც ამ ადგილას გაიმართება.

რემატჩი სპორტის ორ ყველაზე ცნობილ ფიგურას რინგზე აბრუნებს და ეს ხდება მათი პირველი შეხვედრიდან ათ წელზე მეტი ხნის შემდეგ. მათი 2015 წლის დაპირისპირება კრივის ისტორიაში ერთ-ერთ ყველაზე განხილვად მოვლენად იქცა. ახლა ორივე მებრძოლი ახალი თავის დასაწერად ემზადება.

მეივეზერს კარიერაში 50 პროფესიონალური ბრძოლა აქვს ჩატარებული და ყველაში გაიმარჯვა (50/0), აქედან 27-ჯერ ნოკაუტით. პაკიაოს რეკორდი 62/8-ზეა (8-ჯერ ნოკაუტით). ორგანიზატორები Sphere-ის მოწინავე წარმოების ტექნოლოგიას გამოიყენებენ იმისთვის, რომ მასშტაბური ცოცხალი გამოცდილება შექმნან.