"დღევანდელი გადმოსახედიდან, ო'მალისთან ბრძოლას არ უნდა დავთანხმებულიყავი" - ალჯამაინ სტერლინგი

შონ ო'მალიმ მისი საოცნებო ჩემპიონის ქამარი UFC 292-ზე მოიპოვა, როცა ალჯამაინ სტერლინგი ნოკაუტით დაამარცხა. "შუგამ" იამაიკელის 9-ბრძოლიანი გამარჯვებების სერია დაასრულა და სუპერმსუბუქ წონას სათავეში თავად ჩაუდგა.

არიელ ელვანისთან საუბრისას სტერლიგნმა განაცხადა, რომ ო'მალისთან ბრძოლაზე თანხმობას ნანობს. შონთან შეხვედრამდე ალჯომ მისი ქამარი UFC 288-ზე ჰენრი სეხუდოსთან დაიცვა. სამი თვის შემდეგ კი ო'მალისთან ჩხუბიც ჩაენიშნა.

ბოლოს ალჯო ოქტაგონზე სწორედ შონის წინააღმდეგ ვნახეთ. მას შემდეგ 6 თვე გავიდა და თითქოს დრო არის, რომ იამაიკელი რვაკუთხედში კვლავ ვიხილოთ. აღსანიშნავია, რომ სოციალურ ქსელში ვრცელდება ჭორები, თითქოს სტერლინგი UFC 300-ზე იბრძოლებს.