"ჩემს გამარჯვებაზე მთელ დანაზოგს დავდებდი" - სტერლინგი ო'მალისთან რემატჩზე

სუპერმსუბუქი წონის ყოფილი ჩემპიონი ალჯამაინ სტერლინგი ამბობს, რომ შონ ო'მალისთან რევანშს აიღებს. ამ ორის შეხვედრა ოქტაგონზე გასული წლის 20 აგვისტოს შედგა, სადაც 'ალჯომ' საჩემპიონო ქამარი დათმო.

ამ ბრძოლის შემდეგ, სტერლინგმა ერთი ჩხუბი გამართა. იამაიკელმა UFC 300-ზე კელვინ კატარი დაამარცხა და თავდაჯერებულობაც დაუბრუნდა. ყოფილ ჩემპიონს ო'მალისთან ბრძოლა ისევ სურს და ამბობს, რომ მოიგებს კიდეც.

შეგახსენებთ, რომ მერაბ დვალიშვილისა და შონ ო'მალის ბრძოლა ჯერჯერობით, ოფიციალურად არ არის ჩანიშნული. მიუხედავად ამისა, ქართველი მებრძოლი ამბობს, რომ მათი ჩხუბი UFC 306-ზე შედგება.